Pagnaug nako sa V-Hire, nahibong jud ko kung ngano daghan kaayong bagets (presh ug mga kyut ang uban… hehe) sa bisiniti dapit sa simbahan. Sus! Kung ingon ani palang pirmi taga abot nako sa Balamban kay ebridey najud ko mag-uli-an bah. Mao to, inbestigisyon galor dayon ang show. Ahhh… Mao diay. Intrams sa SFA. Akong alma mater pag hiskul. Nakahinumdom hinuon ko sa akong mga eksperyensis sa hiskul, labi na kung mga Intrams. Unporgetabol jud.

Kung mag-Intrams, ob cors, dili jud na mawala ang mga igat-igat nga duwa sama sa “date booth”, “dedication booth” ug uban pang mga “booth booth”. Usa bya na sa makapadasig sa kinabuhi sa mga hiskul students. Pero sa mutuo mo ug sa dili, wala pa jud ko kasuway anang mga igat-igat nga “booth”.  Kutob ra tawn ko sa “jail booth”. Azzin!!! Inbisibol jud akong byuti pag hiskul oi! Azzin wala jud ko kasuway anang dakpon ka dayon i-adto sa pinakangitngit nga kwarto sa skul ug didto makig-istorya sa mga “aliens”. Azzin kabalo jud ko sa prasis ani. Mga duha ka sentyuris kaha ko sige ug lili gawas sa “date booth”! Ingon ana ko ka patitik pag hiskul!!!

Dayon, naa sad panagsa nga magpadedikeyt ug song. Malipay lang sad tawn ka kay nakadungog ka sa imong wandirpol neym nga gi-anawns ug sumpayan bitaw na ug “From FRIEND1, NOT-SO-FRIEND1, FRIEND2….”. Dah! Wala nalang jud ko gi-ilad sa mga kagang! Mas nalipay unta ko ug gibutang nalang nila didto nga “From your secret admirer”. Haaayy…. Pero bisan ingon ato akong eksperyens kay lingaw jud kaayo ang hiskul. Banding moments man gud na sa mga prends ug sa mga nat-so-prends nalang sad.

Katong tird yer bah to or port yer, kay asayn man mi ato sa “movie booth”. Lingaw sad baya to. Inig  human sa holsam nga mobi (mga madre man gud tag-iya ato amo school, so bawal ang mobi sa “Viva Hot Babes”) kay showing na dayon na ang mga holsam lang gihapon nga mobi.. Hehe.. Pero wala jud makalupig namo, kamo bay mani-udto samtang nagtan-aw ug “The Ring”? Azzin dili to lalim! Inig gawas ni Sadako kay mawad-an jud ko ug gana… Kung ingon ana ako buhaton ebridey murag mudaot tingali ko.. Hehe.. Pero wala tay mahims, mao man ang kagustuhan sa madla pipol.

Dayon pag tird yer kay atlit kunohay ko. Char! Azzin… Mao to nga didto ra ko magsige ug tambay sa pingpongan. Ug didto sad sa pingpongan nga nalamdagan ko sa saktong paagi sa pag-ihap. Mao to, ni-rekwest ang mga sipat sa port yer nga muduwa kuno. Ug kani lagging matinahuron ta sa atong mga elders, nisugot lang sad mi. Pero amo jud sila gi-ingnan nga wan geym ra pwede kay praktis pa bya mi. Mao to, duwa dayon ang mga kagang dayon amo silang gi-iphan… 1-0, 2-0, 2-1, basta nag-ihap ra jud mi. Ug pag-abot sa 9-4, nikalit bitaw na ug ka 0-0 ang skor… pwede ba na? Inig human sa 9 kay 0 bah? Pag ilimentari nako kay 10 man jud na… Mao to, lalis dayon ang show… Ug ang rason sa mga kagang kay mao kuno to ila inihapan, kay sila man ang nagduwa sila ang masunod… Haayy… Nalingaw nalang mi nila mao nga gipaduwa nalang sila hangtod nga na-abot na tingali to ug nigatib 20 ang skor…

Dili sad nako malimtan sa hiskul kay ang akong peborit titser. Si Miss Pintoy. Hehe… Layk nako sya kay iya tawag sa ako kay “Joann Vince” (pronawns nya as “Jan Vince”) jud… Azzin ampay sad kaayo nako kay sosyal kaayo paminawon ako neym. Nisamot akong gana nya kay kung magtest mi, dili jud ka mabutlog. Kay naa mana ekstra 5 aytims nga isuwat ang imong natun-an o nahibaw-an. Nakalimot nalang ko ip kami bah himo sa kwestyon, basta kay kung unsa imo nahibaw-an abawt sa tapik kay pwede nimo isuwat dayon otomatik 5 poynts nato.. Hehe… Kung ingon ana palang tanang test kay dili nalang ta ko mahasol ug tag-an tag-an sa saktong tubag. Haaayyy… Brayt jud to si Miss Pintoy kay siya raman nakahunahuna ato nga paagi… Sakto bya to iyang gibuhat, kay naa man uban nga brayt pero limtanon lang (usa nako ana.. hehe) inig teyk sa test kay malimtan ang saktong tubag.

Den Unporgetabol sad to si Madame Gemina, among supir Math titser nga ebridey naa mi asaynmint. Azzin iyaha jud nga klase ang usa sa pinakahilom kay bizzee man ang mga katawhan ug pangita ug tubag sa mga math kwestyons… Grabeh ang rotin namo ato sa math oi! Kung maka-ingon mo ug imposible nga ang mga kwarentahon o sengkwentahon nga estudyante kay makaduol sa blakbord apter 1 awr sa klase, pwes!, sulod mo sa klase ni Madame Gemina para makaeksperyens mo. Ug didto sad ko kita nga ang mga estudyante mag-unhanay ug tubag sa mga pangutana (wats awt! Math pa jud!) ug didto sad nako namatikdan ang pagka-adik sa math sa mga estudyante kay grabeh mututok sa ilang math teksbuk, sus! kung manglakaw palang nang mga math ekweysyons kung tutukan, dugay na jud to na blanko ang among math teksbuk, mga usa ka buwan apter klase blanko na… Ingon ana ka hayper ang math pag hiskul!

Den dili sad ko kalimot ni Madame Lim, nga nakapa-inspayr nako nga magmadre. Grabeh! Ingon ana sya ka inpluwensyal. Grabeh ako respeto ato nya. Azzin! Natangtang ang usa nako ka sungay pag hiskul. Ug nitubo man sad balik pag-“college” kay wala naman ang supir inpluwensyal nako nga aydol.

Pag hiskul sad kay ahente ko sa among laybrari. Halos tanan tingali nga barower’s kard sa Nancy Drew, Hardy Boys, ug uban pang piksyon buks kay naa na otograp nako. So par, malipayon bya to akong hiskul layp, pero naa jud uban desisyon paghiskul nga ganahan nako usbon…