frosted milk topped with vanilla powder
chilly thoughts. icy beliefs. freezing opinions. bleak sarcasms. only from your favorite drink of all times.Si Sisa Ila-ilaha.
Usa ka gabie, sa balay ni Sisa sa may squatters area sa San Diego…
“Haaayyy… Asa naman ni akong mga altar boys nga anak oi? Gabie na wala pa jud naabot… Unsaon nalang ning akong gi-prepare nga chicken cordon bleu nga ako pa ang nagdakop, naglimpyo ug ihaw sa manok, dayon tingali dili nani crispy ang crispy pata nga special jud bya ni nako gihimo, ang baboy nga gilapa ani kay humba ang kinaon ug malain na jud ning fresh fruit salad nga creamy kaayo kay akong gi-addan ug Nestle Cream. Kani jud mga anaka… Beh, textan kuno kay tingali ug naglangay-langay ra tong duha ka kagang.”
Ug mao to nga ni-text si Sisa. “Bas and Cris, wer u na?”
Samtang nagpaabot sa reply sa text, nagpiktsur-piktsur sa siya sa iyang celfon, maynalang pang-upload sa Facebook. Paghuman ug kapuno sa memory sa iyang celfon, gihunahuna ni Sisa ang iyang kahimtang.
“Piskot jud oi! Nganong nagpa-ilad man jud ko ug sugarol. Naa unta toy nanguyab nako nga engineer wala sad nako sugta. Sus! Dako ang akong pagmahay nganong nadala ra ko sa gugma ug wala gihunahuna ang akong kaugmaon.”
Grabeh jud ang pagbasol ni Sisa. Pero wala na siya ma-hems, bawal ang divorce sa Pinas mao nga antoson nalang jud ni nya ang iyang badlungon nga bana.
And speaking of bana, nikalit lang ug abot ang iyang bana nga palahubog. What is, gihurot ug kaon ang sud-an ug rice. Hasta ang fruit salad. Wala nay nahabilin para ni Basilio ug Crispin. Ug paghuman ug lamoy, nisutoy dayon. Baga ug nawng! Wala man lang nanghugas ug plato. Nidiritso na sa sunday school para sa mga sugarol (sabungan) nga nagbitbit sa iyang manok nga pangsabong nga Producer Feeds ang kinaon.
Wala na napugngi ni Sisa ang iyang self, nihilak siya ug nagyaw-yaw samtang naghugas sa plato nga gikan-an sa iyang bana.
“Unsaon nalang tong akong duha ka anghel na walang langit. Wala naman gani langit, wala pa jud makaon ron para panihapon. Pishti man gud ning ilang demonyong amahan. Nikaon, ug dayon wala man lang nagsalin para namo. Mubalik gani to diri yataps jud to ba!”
Ug sa dihang naka-realize si Sisa nga naa pa man diay usa ka manok. Dali-dali siyan ninaug sa hagdanan ug ni-adto sa kurong sa manok. Ug didto jud ang manok, nga bag-o lang nahuman ug celebrate tungod sa kalipay nga wala siya na-ihaw atong adlawa. Na-shock nalang ang medyo hubog pa nga manok sa pagkakita sa nawng ni Sisa nga nag-abli sa kurong.
“Tuk-tuk-putak-putak-klok-klok” (Translation: Pishti! Atay sa yawa! Shit!) Ug mao ni ang last words sa manok.
Nagluto si Sisa ug bag-ong putahe. Medyo dili na kaayo bonggacious sama sa ganina. Kuan ra gud, grilled chicken drizzled with a reduction of olive oil and lemon with fresh green salad on the side. Mao to, human paningta ug taman si Sisa sa pag-andam, nagkanta-kanta sa siya sa ilang Magic Sing samtang nagpa-abot sa iyang duha ka langayan nga anak.
(to be continued…)
Disclaimer: The facts in this Sisa story taken from the famous Rizal book — Noli Me Tangere has been elaborately and deliberately twisted to give it a crazier and modern perspective. Rizalians and non-Rizal fanatics, forgive me.
Wahahahaha!!!! pang modern ang dating ni Sisa ron dah… i advertise ni ann… basin naa kay award ani…. Best new generation writer of 2010….eheheheh….
Hahahaha.. sige nads, ako ning ipadala sa superbalita.. tingali i-publish pa.. hahaha